唉,今天上来睇下,先发觉原来我有足足两个月无更新过啦,呢度已经被彻底荒废.听日就系传说中嘅光棍节啦,前日食饭仲系度讨论究竟揾d咩节目搞好.虽然最后未有定论啊,不过光棍节前嘅今日应该就去打波嘅.唉~~~~点知,已经十几年未试过食野食到呕嘅我,琴晚居然又疴又呕,到成晚都训唔到,实在太神奇了,6点中食嘅饭,到左第二日凌晨3点几先呕返晒出来啊,我会记得三食果碟送嘅.呕完之后系舒服好多,不过就几乎呕到虚脱,夜妈妈又无咩可以补充返能量喔,郁闷啊.琴晚一路搞到朝早6点几先算系舒服到可以训觉啦,系临训前腌左小小米,准备训醒嘅时候煲返碗白粥食下,无奈我只系训到9点几就醒左啦,之后就训唔着咯,于是就起身煲粥啦,不过由于身体实在太虚弱啦,连企都企唔揾啊,唯有靠支绿茶帮我补充下糖分,甘先勉强挨到煲好d粥咋,食完粥睇完nba之后就训左足足陈个下昼,算系好返d啦,等阵去加热返d粥,继续我嘅白粥生崖啊,唉,希望听日会好返d啦.